Geyser-Gastecheko euskara planaren inguruko informazioa
Goizeko 10:00etatik eguerdiko 13:00ak artera iraun zuen bisitak; enpresaren nondik norakoen inguruko bideo bat ikusi zuten eta laneko segurtasunari buruzko azalpen batzuen ostean, Geyser-Gastecheko euskara planari buruzko hainbat datu esanguratsu eman zituzten eta galde erantzunetarako ere tarterik izan zen.
Bukatzeko, bertatik bertara ikusi ahal izan zuten bisitariek euskara plan bat martxan duen enpresa baten euskararen presentzia zela nabarmentzen den.
Ondoko hauek parte hartu zuten ekitaldian:
- Aroa Agirrezabal (Lazpiur)
- Asier Arrieta (Lazpiur)
- Ainhoa Esteban (Aceralia)
- Jose Aguayo (ESK)
- Juan Jose Azkarate (ESK)
- Ruperto Alberdi (ELA)
- Jose Luis Loidi (LAB)
- Estepan Plazaola (Bergarako Udaleko Euskara zerbitzuburua)
- Eli Payros (Bergarako Udaleko Euskara teknikaria)
- Iñigo Iñurritegi (Bergarako Udaleko Euskara batzordeburua)
Adierazpen aipagarrienak
Hemen dituzue hizlariek egin zituzten adierazpen aipagarrienak:
- Koldo Guridi (Geyser-eko Pertsonalburua eta Euskara Planaren koordinatzailea): "Horrelako plan bat aurrera eramateko kanpo laguntza behar-beharrezkoa da. Pausuak poliki-poliki ematen badira ere, lorpenak begi bistakoak dira. Epe ertainean horrelako plan bat martxan jartzea inbertsioa da, enpresarentzat onuragarria".
- Esti Llodio (Emun Koop. E.ko Euskara teknikaria Geyseren): "Plan hauek arrakasta izango badute, ezinbestekoa da langileen partehartzea eta arduren banaketa eta poliki-poliki enpresak bere gain hartzea plan hauek, bertako plan estrategikoetan txertatuz, hizkuntza politika garatuz, hizkuntza irizpideak adostuz..."
- Eli Payros (Bergarako Udaleko Euskara teknikaria): "Bergaran euskara plana martxan jartzea animatzen diren enpresek plana garatzeko dirulaguntza izango dute".
- Joxpi Irastortza (Emun. Koop. E.ko Euskara teknikaria): "Euskararentzat lan mundua mugarria, giltzarria da, esparru estrategikoa da. Bestalde euskarak enpresari izugarrizko aukerak eskaintzen dizkio; gizartean hobeto txertatzeko aukera, belaunaldi berrietako langileei egokitzeko aukera, langile eta bezeroen gogobetetze aukera eta enpresaren zerbitzuari balioerantsia eta kalitatea".
Ondorio orokorrak
Partehartzaileei oso interesgarria iruditu zitzaizkien aurkeztutakoak eta bertatik bertara euskara planaren bidez Geyserren ikusitako aurrerapena. Dena den plan hauek beste enpresetara zabaltzeko enpresetan sustapen lana egitea ezinbestekoa dela esan zuten; enpresek planak abian jartzea erabakiko badute argudio egokiak ematea ezinbestekoa da.