Arrasateko Udaleko Ingurumen Saileko teknikari Nerea Lazpiurrek gogora ekarri du nola funtzionatzen duen azokak: "Azokaren aurretik, hiru egunetan zehar, materiala jaso dugu. Herritarrak jartzen dio prezioa materialari eta guk etiketatxoa jartzen diogu prezioarekin. Gaur, azoka egunean, material guztia ateratzen dugu. Saltzen denaren dirua gutun-azal baten gordetzen dugu eta datorren martitzenean, irailak 22, itzuliko diogu dirua materiala utzi duen jabeari. Saltzen ez den materiala irailaren 22an itzuliko diogu jabeari".