Ad Hoc Oporretako Orkestrak udako kontzertua eskainiko du abuztuaren 11n, 10:30ean, San Juan de Dios Gipuzkoaren Arrasateko egoitzan. Herbehereetatik etorritako 70 musikarik osatutako orkestrak Euskal Herrian egingo duen biraren barruan egingo du geldialdia Arrasaten, eta adin guztietako publikoari zuzendutako emanaldia egingo dute.
Ekimen hau San Juan de Dios Gipuzkoak osasun mentaleko arretaren humanizazioarekin duen konpromisoaren barruan kokatzen da, artatutako pertsonen ongizate emozionala, parte-hartzea, inklusioa eta errekuperazioa sustatzeko.
Ad Hoc Oporretako Orkestra ez da lehen aldiz Debagoienean izango. 2024an ere eskaini zituen kontzertuak Bergaran eta Arrasaten, eta aurten ere eskualdera itzuliko da. Gainera, aurtengo ekainean, Bergaran ere egin zuten emanaldia.
