Jaiotzez kataluniarra izan arren (Terrasa), ia bizitza osoa Arrasaten darama Jose Rivierek. 30 urte baino gehiago egin ditu Abaroa erretiratuen etxean eta azken hamazazpi urteak, gainera, presidente gisa, 2009an hartu baitzuen kargu hori. Horrez gain, Gipuzkoako Erretiratuen Elkarteko presidente izandakoa ere bada.
Aurtengo martxoan utzi zuen Abaroako zuzendaritza batzordea eta Roberto Zazok hartu zion lekukoa presidente gisa. Gaur, astelehena, omenaldia egin diote Mondragon hotelean. Hala, txapelaz eta zapiaz, ordenagailu eramangarri bat ere oparitu diote. Riviereren emaztea eta senideak ekitaldian izan dira, baita Maider Morras alkatea ere; hain zuzen, hark jantzi dio txapela presidente ohiari, eta Jasone Giraldo Ongizate zinegotzia ere han izan da, Arrasateko gainontzeko erretiratuen etxeetako ordezkariekin batera.