Eskoziarren konpainia ez da izan aurten kaleetan, haiek hala erabakita, baina bai gainerako konpainiak: Danborreroak, Musakola, Santa Maña, Beti Gazte, Beti Alai, Arrasate Herri Eskola, Txalaparta, Montxon, Gelma eta Sanan. Zerrenda horretan bi berritasun egon dira; batetik, Gelma konpainia danborradara itzuli da, iaz ez baitzuen parte hartu. Eta bestetik, Sanan konpainiak lehen aldiz egin du desfilea. San Andres auzoan sortu berri den taldean 30en bat bildu dira, eta horri esker estreinakoz hartuko du parte danborradan.
Horiek guztiek Eva Romero zuzendari nagusiaren gidaritzapean jo zituzten abestiak, lehenengo kaleetan, eta bukaeran, Herriko Plazan.