Ohikoa den moduan, egun osoko egitaraua dute prestatuta. 10:00etan egingo diete gonbidatuei ongietorria, eta, Zaldibar frontoitik abiatuta, kalejiran joango dira elkarrekin Herriko Plazaraino. Hamaiketakoa egin ostean, erdiguneko kaleetan zehar kalejira formatuan dantzan egingo dute, 13:30era bitartean. Aspaldiko ohiturari eutsiz, herriko dantzarien etxeetan bazkalduko dute gonbidatuek eta elkarrekin bazkalduko dute talde guztietako arduradunek. Herriko Plazan elkartuko dira guztiak bazkalostean, eta 17:00etan ekingo diote hainbat formatutan egingo dituzten askotariko dantzak bilduko dituen alardeari.
Aretxabaletari lekukoa hartuta, Arrasaten egingo dute domekan, Haur Dantzarien Eguna. Herriko Lore Gazteak eta Txikitxu-Arrostaitz dantza taldeek gonbidatuta, Antzuolako Oinarin, Oñatiko Oñatz, Aretxabaletako Leizarra, Aramaioko Lagun artean, Aguraingo Dardara eta Abadiñoko Talde Batuak taldeko gazteak izango dira herriko hainbat txokotan dantzan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak