Saio honen helburu nagusia da herriko euskararen egoera arloz arlo aztertzea, indarguneak eta hobetu beharreko alderdiak identifikatuz. Emunetik bideratutako dinamizazioaren bidez, bertaratzen diren herritarrek etorkizuneko erronkak finkatzen lagunduko dute, herrian euskaraz bizi ahal izateko zer behar den zehaztearekin batera.
Udaletik azpimarratu dute herritarren begirada eta ekarpenak jasotzea "oso garrantzitsua" dela plana osatzeko orduan. Horregatik, dei egiten diete arrasatear guztiei saioan parte hartu eta deialdia zabal dezaten, "guztion artean euskararen etorkizuna marrazteko".
