Herritar guztiei zabalik antolatu dituzten bi saio horiek Kulturateko Loramendi gelan izango dira, 18:30etik 20:00etara. Saio horien bidez, Udalak herritarrekin diagnostikoa partekatu eta euskararen egoera arloz arlo aztertu nahi du. Topaketa hauetan, herriko indarguneak eta hobetu beharreko alderdiak identifikatu ahal izango dira, etorkizuneko erronkak finkatzearekin batera.
Udaletik azpimarratu dute herritarren begirada eta ekarpenak jasotzea "oso garrantzitsua" dela plana osatzeko: "Arrasatear guztiak gonbidatuta daude saio hauetan parte hartzera eta deialdia zabaltzera, guztion artean euskararen etorkizuna marrazteko".