1512 eta 1529. urte arteko Espainiako konkistaren bueltan, Nafarroa Beherean gerrak izandako gertakarietan oinarritzen da liburua; hain zuzen ere, Espainiako koroaren eskumenean gelditu ez zen Nafarroako lurralde bakarra izan zelako.
Atarrabiarraren arabera, "askok ez dakite eta ahaztu egiten zaie espainiarra izan ez zen Nafarroa bat egon zela". Hori horrela, hitzaldian azalduko du nafar haiek zergatik ez diren espainiarrak eta lurralde hartako biztanleek gaur-gaurkoz zergatik duten frantziar nazionalitatea. "Izan ere, horrek azaltzen du nola nazionalitate bakarra duten nafarrek bi herritartasun izan dezaketela".
Monteanok adierazi duenez, eguazteneko hitzaldian liburuaren aurkibidea jarraituko du eta edukien inguruan hitz egingo du: "Hitzaldia ordena kronologiko batean idatzita dago, eta ordena hura jarraituko dut jendea garaiko testuinguruan kokatzeko eta gertakizunak denboran kokatzeko", azaldu du.
Zuztarrak Errotuzen bigarrena
Zuztarrak Errotuz taldearen hilabeteko bigarren hitzaldia izango da Monteanorena. Joan den eguaztenean egin zen lehena, eta Idoia Arrietak gidatu zuen Kulturateko areto nagusian.
