Lehiaketa honetan Debagoieneko eskualdeko udalerrietan –Aramaio barne– erroldatutatako edonork parte hartu ahal izango du. Lanak aurkezteko hiru modalitate zehaztu dituzte: eskuz eginda –50 x 70 zentimetroko neurriarekin–; digitalki eginak –gutxienez Din A3 tamainan eta euskarri gogor baten gainean inprimatuta–; eta modu digitalean aurkeztuak Udalaren webgunearen bidez.
Baldintzak
Lanek originalak eta argitaragabeak izan behar dute. Teknika librea eraili ahal izango da, formatua bertikala izanik derrigorrez. Kartelek honako testu hau izango dute: 2026 SAN JUAN JAIAK ARRASATE.
Udalak bereziki azpimarratu du irudiek berdintasuna eta oreka bilatu behar dutela, rol eta
estereotipo tradizionalak saihestuz eta sexua, arraza, adina edo sexualitatearen ondoriozko
tratamendu gutxiesgarriak ekidinez.
Saria eta epeak
Lehiaketaren irabazleak 750 euroko saria jasoko du. Saritutako lana Udalaren esku
geratuko da, eta jaietarako sortutako bestelako materialetan (zapiak, pegatinak...) erabili ahal izango da.
Lanak aurkezteko azken eguna 2026ko maiatzaren 4a da, 15:00etan. Paperean egindako
lanak BAZen (Biztanleen Arreta Zerbitzua) entregatu beharko dira, egilearen izena agerian
utzi gabe eta lema batekin.
Oinarri guztiak hemen kontsulta daitezke.