Gaur goizean egin da Korrika Txikia Arrasaten, eta euskararen alde egin dute korrika Arizmendi ikastolako, Arrasate Herri Eskolako eta Institutuko ikasleek. Eguraldia lagun izan ez badute ere, euria ez da nahikoa izan euskararen aldeko olatua gelditzeko. Herriko kaleak jendez bete dira euskararen aldeko aldarrikapenekin bat egiteko eta korrikalariak animatzeko.
Ibilbideari dagokionez, Eroski pareko berdegunetik Garai Guneko biribilgunera joan dira ikasleak, eta ondoren Herriko Plazan amaitu dute ibilbidea. Guztira 42 ikaslek eraman dute lekukoa, eta, amaitu ondoren, Herriko Plazan, bukaera-mezua irakurri dute Nora Arabiourrutia eta Bingen Heriz ikasleek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.