Umorez ospatu dute Arrasateko mozorro desfilea

Eguraldiak lagundu ez badu ere, giroak ez du hutsik egin Arrasateko Aratusteetako desfilean. Euria eta hotza gorabehera, kaleak kolorez eta umorez bete dira beste behin. Skywalker, herri kirolak, Doraemon, zientzialariak eta suhiltzaileak, besteak beste, ibili dira herriko kaleetan barrena. Sormenak eta lanak izan dute saria ere. Kuadrilla onenaren saria Kontxako ballet taldeak eskuratu du; bakarlari onena, berriz, Pedro Harriketarra. Kuadrilla gazte onenaren aitortza Doraemonentzat izan da, eta karroza onenaren saria fruta saskiak jaso du.