Plazabizi egitasmoaren helburua auzo bizi eta jasangarriago bat eraikitzea da, mugikortasun ohitura osasungarriak eta iraunkorrak sustatuz. Ciclogreen aplikazioarekin, oinez, bizikletaz, garraio publikoan edo kotxe partekatuz egindako joan-etorriek puntuak eta sariak ematen dituzte, norberaren mugimendua ingurumenarekiko ekarpen positibo bihurtuz.
Lehen erronkan parte hartu duten guztien artean, mugikortasun jasangarriaren aldeko konpromisoa nabarmendu duten herritarrak izan dira sarituak.
Lehen fasea amaituta, Ciclogreen aplikazioak erronka berriak ekarri ditu jada datozen hilabeteetarako. Parte-hartzaile guztiek izango dute aukera 2026ko uztailera arte beraien ibilbide jasangarriak erregistratu eta sari bikainak irabazteko.
Parte hartzeko honako pausoak jarraitu behar dira: aplikazioa deskargatu; kontua sortu; Plazabizi kodea gehitu; eta oinez, bizikletaz, kotxe partekatuz edo garraio publikoan egindako joan-etorriak erregistratu. Modu horretan gainditzen dira erronkak, sarien zozketan parte hartzearekin batera.