Hydroibilbidea irteeran "Udalatx mendiaren itzaletan" ariko dira errekaren ibilbidea aztertzen. Urak eta harriak baldintzatutako paisaiak, ekosistemak eta historia ezagutuko dute parte-hartzaileek, honako leku hauetan: Larragain, Salturri, Montzon, Urzulo eta Zarugalde.
Sei kilometroko ibilbidea izango da, 160 metroko desnibelarekin, eta lau ordutan egitea aurreikusten dute, 09:30ean Erguingo eskolako patiotik abiatuta.
Inma Mugerzak gidatuko du irteera eta, parte hartzeko, izena eman beharko da, infohydrolur@gmail.com helbidera idatzita.
