Debagoieneko txakolina izango da bertako produktuen azokako protagonista hilabete honetan, Oñatin ekoiztutako Murgialdai dastatzeko eta erosteko aukera egongo baita. Erosketa tiketarekin, gainera, gazta-pintxoak banatuko dituzte doan, eta hiru txakolin loteren zozketan parte-hartzeko aukera ere izango da. Horrez gain, ohiko ekoizleen postuak izango dira.
Udalak, berriz, azoka eguna aprobetxatuz, Arrasateko herri-marka berriarekin egindako telazko poltsak banatuko ditu, 10:00etatik 12:00etara. Maiatzaren 29an aurkeztu zuten, "herriaren nortasuna eta etorkizuna irudikatzeko asmo duen tresna izan dadin, etorkizuneko erronkei elkarrekin aurre egiteko".
Arrasateko herri-marka daramaten telazko poltsak. Irudia: Arrasateko Udala.