Ekainaren 22an, domeka, egingo dute aurtengo Dragoi Jana, AEDk eta Debagoieneko AEK-k antolatzen duten afari herrikoi eta euskaltzalea. Herriko Plazan izango da, 21:00etan hasita. Euria egingo balu, Uarkape frontoian.
Menua ohikoa izango da: bertan erretako txuleta edo hanburgesa begetala, postrea eta kafea. "Eta, ondoren, zelan ez, dragoi tribiala! Hasi, bada, urteko efemerideak eta euskarari lotutako kontuak errepasatzen, eta ea zeinek eramaten duen aurtengo otarra!", azaldu dute antolatzaileek.
