Bilboko LGTBIQ+ Zinegoak Nazioarteko Jaialdia, kultura, zinema eta arte eszenikoen bidez, sexu eta genero aniztasunari buruzko sentsibilizazioa lantzeko helburuarekin sortu zuten. "Egun, Zinegoak erreferentzia bihurtu da LGTBIQ+ gaietako ekitaldi zinematografiko eta eszenikoen artean", diote. Zinegoak Hedapena ekimenak, halaber, aukera ematen du Bilboko jaialdian aurkeztutako filmak herrietara zabaltzeko.
Aurtengo emanaldia, Morbor taldearekin batera antolatu duten LGTBIQ+ egitarau bereziaren baitan egingo dute, eta sei film proiektatuko dituzte, jatorrizko bertsioan eta azpitituluekin, euskaraz eta gaztelaniaz. Hiru film euskal sorkuntzak dira eta beste hirurak, Brasil, Espainia eta AEBetakoak. Honako hauek dira filmak eta zuzendariak:
- ¿Dónde estás?: Maria Moreno Novoa.
- Arrecife: Ángel Morales Ballesta.
- Queimando por dentro: Enock Carvalho, Matheus Farias.
- Three: Annie Song.
- Judoka: Ander Iriarte.
- Azkena: Ane Inés Landeta, Lorea Lyons.