Ekitaldian idazle norvegiarraren eleberria itzuli duen Joannes Jauregik eta Elkar argitaletxeko editore Xabier Mendigurenek parte hartu zuten, AEDren ordezkariekin batera. Bertan izan ziren, halaber, Elkar argitaletxeak eta AEDk antolatzen duten itzulpen sariketaren bi babesle nagusien ordezkariak: Josune Agirre Laboral Kutxako Garibaiko sukurtsaleko Zuzendaria eta Maider Morras Arrasateko alkatea.
Jokin Zaitegi sariketaren helburua zera da, AEDko kideen esanetan: "Literatura Nobel saria jaso duen azkeneko idazlearen lan bat euskaratzea, eta okerrik ezean, Durangoko Azoka aurretik izango dugu kalean Han Kang iazko irabazlearen Barazkijalea lana, Gema Lopez Las Herasek euskaratuta".
