26 postuk osatuko dute azoka. Horietatik hemezortzi emakume artisauenak izango dira eta askotarikoak lanak izango dituzte: poltsak, zilargintza, bitxiak, arropa, zeramika, etxeko animalientzako osagarriak eta abar. Horiekin batera, bertako produktuen zortzi postu egongo dira: gazta, gozoak, eztia eta abar. Era berean, hainbat herrialdetako janariak eskainiko dituzte azokan, Amerika Elkartearen eskutik.
Haur eta gaztetxoentzako, txapa tailer bat ere egongo da, 11:30ean hasita, Txatxilipurdiren eskutik, Martxoaren 8ko diseinuekin txapa egiteko. Emakume Txokotik, dei egin dute egunean bertan eta asteburuan zehar Martxoaren 8a ospatzeko eta aldarrikatzeko eta antolatu dituzten ekimenetan parte hartzeko.
