Garibai etorbidean dauden hamabi zuzkidura-bizitokiren esleipen prozeduran parte hartzeko izena eman daiteke dagoeneko, hilaren 20ra arte.
Prozeduran parte hartu ahal izateko, 36 urte baino gutxiago izan beharko dituzte herritarrek. Horrez gain, etxebizitza babestuen eta zuzkidura-bizitokien eskatzaileen erregistroan alta emanda egotea ere eskatuko diete, alokairuko eskatzaile gisa, Arrasateko udalerrian edo Debagoieneko Eremu Funtzionaleko udalerriren batean: Antzuola, Aramaio, Aretxabaleta, Arrasate, Bergara, Elgeta, Eskoriatza, Leintz Gatzaga eta Oñati. Mugikortasun murriztua duten pertsonek zein genero-indarkeriaren biktima diren emakumeek parte hartu ahal izango dute edozein dela eskaera-udalerria.
Halaber, 2023ko errenta aitorpenaren zergaldiko diru-sarrera haztatuak 3.000 euro baino txikiagoak ez direla eta 43.753,71 euro baino handiagoak ez direla egiaztatu beharko dute. "Ez dute gutxieneko diru-sarrerarik egiaztatu beharko mugikortasun murriztua duten pertsonek, desgaitasun psikikoa dutenek, genero-indarkeriaren biktima diren emakumeek edo etxebizitza bat izateko eskubide subjektiborako eskubidea onartuta dutenek. Diru-sarrera konputagarrien hartzailetzat joko dira gaitasuna judizialki aldatu ez zaien eta bizikidetza-unitatearen parte diren adin nagusiko pertsona guztiak", zehaztu dute.
Azkenik, bizikidetza unitatea ezingo da lau kide baino gehiagokoa izan.
Izena emateko, honako bide hauek daude:
- Telematikoki: http://www.etxebide.euskadi.eus web-gunearen bidez.
- Aurrez aurre: Zuzenean-en (aurrez hitzordua hartuta), Andia kalea 13, 20004 Donostia, Gipuzkoa
- Postaz: Gipuzkoako Etxebizitzako Lurralde Ordezkaritzan, Andia kalea 13, 6. solairua. 20004 Donostia, Gipuzkoa (Posta administratiboa erabiltzea gomendatzen da, posta bulegoko sarrera-data kontuan har dadin).
Informazio gehiago, hemen.
