Urtarrilaren 4an, 11:00etan irekiko dituzte txosnak Seber Altube plazan eta, Mondravember elkartearen laguntzarekin, askotariko ekintzak egongo dira. Batetik, DJ Iverren eskutik, musika egongo da eta, bestetik, bertso eta txalaparta saioak ere egingo dituzte.
Era berean, 11:30ean kalejira bat abiatuko dute Seber Altubetik, eta honako eragile hauek hartuko dute parte: Arrasateko Erraldoi eta Kilikien Konpartsa, Arrasateko Trikitixa Eskola, Lore Gazteak eta Txikitxu-Arrostaitz dantza taldeak eta txistulari eta gaiteroak.
Azkenik, 22:00etan, kontzertuak egingo dituzte gaztetxean eta hiru talde ariko dira oholtza gainean: Oihu!, Aiama taldea eta Malaña. Sarrera bost euro izango da.
