Bizikletak erosteko aukera 11:00etan hasi den arren, arrasatearrak lehenago gerturatu dira udal azokara norbere gustuko bizikleta aukeratzera. Izan ere, hain zen handia eskaintza non erabiltzaileek salmenta hasi baino lehen joan behar izan duten. Goiza aurrera joan ahala, adin guztietako herritarrak hurbildu eta azoka jendez bete da.
Mugikortasun Jasangarriaren Astearen baitan, berriro ere egin dute Birzikleta azoka Arrasaten. Bost urteko etenaren ostean bizikletaz, trizikloz, kaskoz, maillotez eta bestelakoez bete da Azoka Plaza. 11:00etatik aurrera izan dute herritarrek salgai zeudenak erosteko aukera, eta hasi bezain laster eraman dituzte etxera aurreneko bizikletak arrasatearrek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
