Zuhaitzaren "egoera kaskarra" aspaldi identifikatu zuten udal ordezkariak. "Izan ere, hau bota baino lehen, zuhaitz gazte batekin ordezkatzea aurreikusita zegoen, eta, duela urte batzuk dagoeneko landatu zen zuhaitz berria zaharraren ondoan. Modu honetan, mozketaren prozesuak, landare-estalduran eragin txikia izango du", nabarmendu dute.
Gaur egun, zuhaizti berriak "oso itxura eta indar ona" du, baina argiztapena eta espazio-antolamendua hobetu behar ditu, "behar bezala garatzeko". Hori horrela, zuhaitz zaharra moztuko dute, "landatutako zuhaitz gaztea behar bezala gara dadin, hura ordezteko".
