'Hizkuntzen kudeaketa eta euskara gure enpresetan' mahai-ingurua

Euskararen biziberritzeak daukan erronka nagusietako bat da lan mundura eta, zehazki, industria eta zerbitzu enpresetara, iristea. Badira, ordea, sektorean helburu horrekin ibilbide oparoa egiten ari diren enpresak.

Horietako hiruren esperientzia ezagutzera emateko asmoz egingo dugu “Hizkuntzen kudeaketa eta euskara gure enpresetan: hiru esperientzia” saioan. Hiru enpresa gonbidatu ditugu: ABB Niessen, Elay eta Ikerlan. Nazioarte mailan diharduten arren, euskararen normalizazioan bide oparoa egiten ari direnak, hiruak ere. 

Ekitaldiak bi zati izango ditu. Lehenengoan, hiru enpresen esperientziak ezagutuko ditugu banan-banan. Ondoren, solasaldiari egingo diogu tartea Goienak dinamizatuta.