Alavesek joan den abuztuan iragarri zuen Andoni Gorosabelen fitxaketa eta, denboraldi baten ostean, agur esateko ordua iritsi zaio arrasatearrari. 35 partidu jokatu ditu talde babazorroarekin. "Gainera, bere lehen gola sartu du Lehen Mailan eta ezinbesteko pieza bihurtu da talde gasteiztarrak mailari eusteko helburua lortu ahal izateko", azaldu du taldeak bere webgunean.
Gorosabelek, bestalde, nabarmendu du oso harro doala Gasteiztik: Sekulako denboraldia izan da arlo guztietan. Izan ditugun boladak, erakutsitako jokoa. Talde osoaren lana izan da. Taldeaz, klubaz eta zaleez harro egoteko modukoa da, ez baita batere erraza eta meritu handia baitu egin dugunak".
