Orain prebentzio elkarteko Mikel Cerezo gizarte hezitzailearen eskutik, teknologia berriak izango dituzte hizpide maiatzaren 27an eta 28an, Kulturateko Jokin Zaitegi gelan, 18:00etan. "Ba al dakizu zure seme-alabak nola erabiltzen dituen sare sozialak eta Internet? Erabilera arduratsuaz, arriskuen prebentzioaz eta jarduteko jarraibideez hitz egingo dugu", azaldu du.
Honako eduki hauek landuko dituzte bi saio horietan: "Gure seme-alabak sarean zertan ari diren eta zein arrisku topa ditzaketen, aisialdia seme-alabekin partekatzearen onurak eta erabilera arduratsuan trebatu eta egoera larriei aurre egiteko baliabideak".
Parte hartzeko, izena eman beharko da aurrez, eta bi bide daude horretarako: 943 25 20 00 telefono zenbakia (BAZ) edo izenemateak.arrasate.eus.
