Uztailaren 5ean eta 6an egingo dute hirugarren Mondra & Roll jaialdia, Monterron parkean, eta Udalak 100 sarrera zozkatuko ditu. Horretarako, udal webgunean izena eman beharko da, maiatzaren 21era arte.
Adinaren araberako bi zozketa eta izen-emate izango dira aurten. Sarreren erdiak 16 eta 26 urte arteko gazteen artean zozketatuko dituzte eta, beste erdiak, 27 urtetik gora dituzten herritarren artean. Horrez gain, ezinbesteko baldintza izango da Arrasaten erroldatuta egotea, eta, azken urtean zozketaren irabazleak izan zirenak, ezingo dute bigarrenez jarraian irabazi.
Zozketaren irabazleak maiatzaren 27tik aurrera emango dituzte ezagutzera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
