1991n, Zutik sortu zuten, EMKren eta LKIren arteko bat-egitetik sortutako alderdi politikoa. Urte horretan bertan, Arrasaten bi mugimenduetako lokalak (Aldai eta Makatzenakoa) saldu zituzten Jai Zale jai-areto zaharra erosteko, gerora jarduera soziokultural ugari bildu izan dituen proiektuari bide emanez.
Jai Zale, tabernak eta elkarteak osatua, herriko eta eskualdeko gizarte mugimenduen erreferentea izan da: Arrasateko Talde Antimilitarista, Kakitzat, AHTren aurkako taldeak, Komite Internazionalistak, Ekologistak Martxan, Kooperatibista Taldeak, Emakume Taldeak, Grebalariak, Euskal Herrian Euskaraz, Saharako Elkartea...
Halaber, dozenaka pertsona igaro dira hitzaldiak, liburuak, eztabaidak, filmak eta besteleakoak aurkezten eta hainbat taldek ere erabili izan dute: Kemen, Iraultza Taldea, Hautsi, Alternatiba, Ahal Dugu...
Lokala itxita, Gorripideako militanteen (Zutiken zatiketa) erabakia izan da Udalari lagatzea, baina baldintza batekin: "Gizarte mugimenduek erabiltzeko lokala izaten jarrai dezan". Bukatzeko, zera azpimarratu dute: "Borrokan jarraitzen dugu. Bizitza luzea opa diogu askorentzat gure etxea izan den lokal honi".