Harremanetik azaldu dutenez, proiektuaren alderdi guztiak zuzenean ezagutzeko aukera izango da astelehenean: alderdi ekonomikoak, sozialak, lankidetzakoak, ezagutzakoak, lanekoak, generokoak, eta abar. "Proiektuak, batez ere, gizaki ororen lehen premia asetzen du: elikagaia. Nekazaritza- teknikak hobetzeko aukera ematen die, bizi-kalitate hobea emango duten ekonomia txikiak sortzeko helburuarekin. Hori guztia gizarte-eraldaketaren ardatz gisa lan eginez", nabarmendu dute.
Hala ere, "miseriatik pobreziara" igarotzeko bidean lanean dihardu Mundukidek, programaren aitzindari Beñat Arzadunen esanetan. "Inguru horietan bizi duten egoeraz hausnartzea eskatzen digute".