2020ko abenduaren 25ean hil zuen Manuel Ramon Campillok Maria Angeles Ibarluzea, 66 urteko arrasatearra, Kanariar Uharteetan. Haren desagerpena salatu zuen lagun batek, eta, Polizia bilaketa lanean ari zela, Ibarluzea berak hil zuela aitortu zuen Campillok.
Hala, hilaren 29an hasiko da Campilloren aurkako epaiketa, Kanaria Handian, han izan baitzen hilketa matxista, Galdar herrian. Kanaria Handiko Probintzia Fiskaltzak hamabost urte eta bost hilabeteko espetxe zigorra eskatu du hiltzailearentzat.