Arrasateko Udalak nabarmendu du bi kabalgatek jasotzen dituzten dirulaguntzak berdintzea erabaki dutela; izan ere, Udalak emandako datuen arabera, 2022ko abenduko Olentzeroren kabalgatak 4.500 euroko dirulaguntza jaso zuen eta 2023ko urtarrileko Errege Magoen desfileak, berriz, 8.400 euro inguru "mailakatze eta ezberdintze bat ezarriz".
Horregatik, bi ekimenak 4.500 euroko partidarekin finantziatzea erabaki dutela azaldu du Udalak: "Ez da tratamendu ezberdindurik. Bi ekimenak diru kantitate berberarekin lagundu ditu Arrasateko Udalak; beraz, ez da egia Udalak bereizketarik edo bazterkeriarik egin duenik".