Ubarretxenak azpimarratu du orain dela ordua errepideetan "ziklo berriaren oinarriak finkatzeko". Azaldu duenez, etorkizuneko errepideetako gidatze autonomo eta konektatura bidean, Gipuzkoako bide-sarearen digitalizaziorako eta jasangarritasunerako jauzia emango dute.
Gipuzkoako bide azpiegituretako diputatuak azaldu du errepideek funtsezko eginkizuna betetzen jarraituko dutela lurraldearen modernizazioan, lehiakortasun ekonomikoan eta garapen sozialean. Hori lurraldeko funtsezko azpiegitura askoren bizi-zikloaren azken fasearekin batera hasiko dute, eta "horrek jarraipen zorrotza eta inbertsio handia eskatuko ditu hurrengo urteetan, birgaitze- eta berreraikitze-jarduera garrantzitsuekin".
Trantsizioaren zutabea berrikuntza teknologikoa izango da, eta asmoa ibilgailu autonomo eta konektatuetara bideratutako teknologia zerbitzuekin hornitutako azpiegiturak lortzea izango da. Aurreratu dutenez, bultzada emango diote Gipuzkoako errepideak teknologia berrietarako proba-banku bihurtu nahi dituen adimen artifizialeko eta I+Gko ekimena den Gipuzkoa Living Lab delakoari
