17:30ean hasi da aurkezpen ekitaldia. Abaroa abesbatzaren emanaldia egon da lehendabizi, eta, ostean, Acumular experiencia hitzaldia eman du Imanol Kerejetak. Arrasate Musikaleko beteranoek ere ez dute hutsik egin, emanaldia egin baitute. Azkenik, Arrasateko Nagusien Kontseiluak prestatutako bideo bat ere proiektatu dute.
Ekintza gehiago
Datozen egunetan ekintza gehiago egingo dituzte. Bihar, esate baterako, Arrasateko leku enblematikoak ezagutzeko ibilaldia egingo dute lehenbizi, 10:00etan hasita, Biteri plazatik. Arratsaldean, berriz, Iñaki Peña medikuak La etica de los cuidados hitzaldia egingo du Kulturateko areto nagusia, 17:00etan.
Eguaztenetik domekara bitartean ere hamaika ekintza antolatu ditu kontseiluak; beraz, izango da zer egina Arrasaten.
