Antzezlanak bi etxekoandre xumek hilabetearen amaierara iristeko dituzten arazoak aurkezten ditu. Andreetako bat supermerkatu batera sartzen da eta ahal duen guztia eramaten du ordaindu gabe. Gero bi andrek, lapurretaz inor kontura ez dadin, plan bat asmatzen dute, gero eta nahasiagoa, senarrak ere konplize bihurtzeko.
Vene Herrerok egin ditu zuzendari lanak. Gainera, aktore lanetan aritu dira: Maider Alcelay, Itziar Rosado, Xabier Latorre, Garbiñe Nuñez, Arantza Ezkurra, Mariasun Pagoaga, Itsaso Nuin, Asier Alonso eta Marga Merkader.
