Arrasaten erroldatuta dauden 80 urtetik gorako pertsonei omenaldia egingo die Arrasateko Udalak ekainaren 24an, Etxaluze eraikinean egingo den ekitaldi batean, San Juan jaien baitan. Parte hartu ahal izateko, 80 urteak beteta eduki beharko dira hilaren 24rako eta izena eman beharko da ekainaren 17a baino lehen, BAZen, 943 25 20 00 telefonoan, edo www.arrasate.eus -en.
Ekitaldiari dagokionez, 12:30ean hasiko da, eta alkateak agurrarekin emango dio hasiera. Gero, omenduko diren emakume eta gizon nagusiei lore sorta bana banatuko zaie. Amaiera emateko, Abaroako abesbatzak emanaldia eskainiko du, eta gero luntxa egingo da bertaratzen diren guztiekin.
Izena ematen duten guztiei gonbidapena banatuko zaie, eta agiri hori ezinbestean eraman beharko da omenaldira, Etxaluzeko eraikinean sartu ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.