Zazpi eragileek bat egiten dute honakoa baieztatzerakoan: "Azken hamarkadetako gizarte zein bizi ereduak espazio naturaletatik urrundu eta hormigoizko hiri handietara bizitzera eraman gaitu. Honek, naturak eguneroko bizimoduan aurrera egiteko eskaintzen dizkigun baliabideei muzin egitea ekarri du".
Haien esanetan, urrunketa horrek kultura oso baten kalera dakar: "Jakituria, ohitura, erritu, legenda eta kontakizun herrikoiak; zuhaitz, landare eta animalien ingurukoak; landa eremuaren, urtaroen eta, oro har, lurraren ingurukoak; osasuntsu bizitzen laguntzen zigutenak eta, batez ere, gure bizitzari benetako zentzua ematen ziotenak".
Aldi berean, argi dute natura "ordezkorik ez duen osasun, ongizate, ikasketa eta sormen iturri agorrezina dela". Beraz, natur guneekiko atxikimendua areagotzeko, beheko egitarauak dakartzan dinamikak antolatu dituzte.
