Hitzaldiaren helburu nagusia da Aranzadi Zientzia Elkartearen Enara proiektua herritarrei ezagutaraztea. Bide batez, herritarrak biodibertsitatearen garrantziaz hezi eta sentsibilizatu nahi dituzte, batez ere, inguru urbanoetako hegazti-faunaz. Horrez gain, enara espezie garrantzitsuenak aztertuko dituzte: enara arrunta, enara azpizuria eta sorbeltz arrunta. Horretarako, gainera, triptiko didaktiko bat ere sortu dute.
Azkenik, nabarmendu dute herritarren inplikazioa lortu nahi dutela enara espezie horien habiak bilatzeko, eta haien jarraipena egiteko. "Lan hori egiteko boluntario talde bat hedatu nahi da, Aranzadi Zientziaren Elkartearen laguntzarekin datuak biltzeko protokolo zientifiko bat jarraituta", azaldu dute. Beraz, parte hartzeko dei egin diete herritarrei.
