Isurketa bat izan zen atzo eguerdian Deba ibaian, Arrasateko San Andres auzoaren parean, Ura agentziak emandako informazioaren arabera. Azaldu duenez, ikuskariak bertaratu ziren eta laginak hartu zituzten, baina erantsi du orain aztertzeko dagoela zer den isuritakoa eta non duen jatorria.
Alabaina, bertako arduradunek ohartarazi dute horrelako kasuetan larrialdi zerbitzuetara deitzea komeni dela, protokoloak "ahalik eta azkarren" martxan jartzeko asmoz.