Esku-hartze horrekin, herriko zuhaitz-azalera handiagotuko dute, Arrasate "berdeagoa, klima-aldaketaren aurka babestuagoa eta hiri-garapen iraunkorrarekin konprometituagoa izan dadin". 7.900 euroko aurrekontuarekin, tokiko sei zuhaitz espezie landatuko dituzte: haltzak, lizarrak, sahatsak, haritzak, arteak eta astigarrak. Honako kokapena izango dute:
- Markulete ibai-eremuan, haltzak, lizarrak, sahatsak eta astigarrak: baso-tamainako 60, eta 10-12 zentimetroko 560.
- Fagor San Andres inguruan, 10-12 zentimetroko hiru haltza.
- Mugarriko errepidearen aldean, 32 haltza eta lizar: hamasei baso-tamainakoak eta beste hamasei 10-12 zentimetrokoak.
- Mugarri saihesbidearen aldean, zortzi astigar: lau baso-tamainakoak eta beste lau 10-12 zentimetrokoak.
- San Kristobal hilerriaren kanpoaldean, tamaina ertaineko hogei haritz eta arte, eta tamaina ertaineko 23 astigar.
- Ferreriasko plazatxoan: astigar 10-12 zentimetroko astigar bat.