Bergarako elikagai bankuak urteroko janari bilketa handiena egiten dihardu. Hala, atzo eta gaur artean bailarako 24 denda eta supermerkatutan egongo dira boluntarioak, herritarrengandik produktu lehorrak eta haurrentzako fardelak zein esnea jasotzen.
Udaberriko kanpainan adierazi zuten bezala, elikagaien bankuak "minimoetan" daude azkenaldian. "Ea eskaria asetzeko lain jasotzen dugun, baina, ziur aski, abendu gogorra pasako dute zenbait familiak", azaldu du Bergarako elikagai bankuko kide Joxe Mari Beitiak GOIENAn.
