Arrasate Musikalen ibilbidea jasotzen duen argazki erakusketa inauguratu dute Kulturaten

Amaia Ramirez de Okariz Kortabarria 2022ko aza. 5a, 10:57

Mende erdi bete du Arrasate Musikalek asteon, hilaren 2an, eta hainbat ekitaldi dabiltza egiten urteurrena ospatzeko. Atzo, esate baterako, argazki erakusketa bat inauguratu zuten Kulturateko klaustroan, eta azaroaren 25era arte egongo da ikusgai.

Musika eskolako irudi historikoak eta gaur egunekoak batuta osatu dute erakusketa, eta, hori aurkeztearekin batera, Arrasate Musikal sortu baino lehenagoko giro musikala zein zen ere azaldu zuten ekitaldian. Xumea izan zen, zuzeneko musikak girotuta.