Hezkuntza Zientzietan doktorea da Rakel Gamito arrasatearra eta, era berean, Euskal Herriko Unibertsitateko irakasle eta ikertzailea. Kasu honetan, teknologia, pantailak, haurrak eta nerabeak izango ditu berbagai azaroaren 12an, zapatua, Avesantes elkartearen lokalean (Santa Teresa kalea 12, beheko solairua, ezkerra).
Gamitok hainbat galdera egingo dizkie saiora joaten diren gurasoei: "Zuen seme-alabek pantailekin duten harremana ulertu gura duzue? Jakin nahi duzue zertan ari diren online daudenean? Ezagutu gura dituzue teknologiaren erabilera osasungarria sustatzeko estrategiak?". Izan ere, hitzaldian errealitate digitala erakusten saiatuko da arrasatearra, bereziki haurtzaroan eta nerabezaroan zentratuta, digitalizazioaren arriskuak eta onurak azalduz, "familiak teknologiaren erabilera seguruan daukan rolaz hausnartu ahal izateko".
