Otsaileko, martxoko eta apirileko salaketak eta ordainketak jasotzen ditu txostenak. "Hilabete itxaroten egon gara ea Udal Gobernuak datu hauek herritarrei erakutsiko ote zizkien, eta ez duenez horretarako asmorik, argitaratzea erabaki dugu, uste dugulako herritarrek eduki beharreko informazioa dela".
Bilketa, hiru bloketan banatuta
Hiru bloketan banatuta dago batutako dirua. Alde batetik, diru bilketa orokorra, tiketekin biltzen den diru kopurua, txartelarekin, eskudirutan zein online ordaindutakoa:
- Otsaila: 26.683,87 euro.
- Martxoa: 35.132,7 euro.
- Apirila: 25.708,99 euro.
Beste bloke batean, makinan ezeztatzen diren isunak daude, ordaindutakoak:
- Otsailean, 457 x 10,30 (isunak makinan ezeztatzearen kostua): 4.798,5 euro.
- Martxoan, 712 x 10,30 (isunak makinan ezeztatzearen kostua): 7.476 euro.
- Apirilean, 537 x 10,30 (isunak makinan ezeztatzearen kostua): 5.638,5 euro.
Hirugarren bloke batean, tramitatzen diren isunak daude:
- Otsailean, 358 x 100 (motordun ibilgailuendako isun arinena): 35.800 euro.
- Martxoan, 462 x 100 (motordun ibilgailuendako isun arinena): 46.200 euro.
- Apirilean, 294 x 100 (motordun ibilgailuendako isun arinena): 29.400 euro.
Abuinek berak egin ditu kalkuluak, 100 euroko isuna oinarri gisa hartuta. Beraz, gutxigorabeherako datu bat izango lirateke hauek. "Isun arinena hartu dut oinarri moduan batez bestekoa kalkulatzeko, gehienak 100 eurokoak direlako, Jose Antonio Urdangari Hirigintza saileko teknikari buruak hala aitortuta, baina bestelako isunak ere izango dira".
Hilabetean, batez beste, 72.279,52 euro
Hilabeteka aztertuta, honakoak dira kopuruak:
Otsailean bildutakoa: 26.683,87 + 4.798,5 + 35.800= 67.282,37 euro.
Martxoan bildutakoa: 35.132,7 + 7.476 + 29.400= 88.808,7 euro.
Apirilean bildutakoa: 25.708,99 + 5.638,5 + 29.400= 60.747,49 euro.
Datu horiek aintzat hartuta, lehen hiru hilabeteetan, 216.838,56 euro bildu dira. Blokeka banatuta, honako hauek dira datuak:
- Bilketa orokorra: 87.525 euro.
- Makinan ezeztatutakoak: 17.913 euro.
- Tramitatutako isunak: 111.400 euro.
Beraz, batez beste, hilabete bakoitzean 72.279,52 euro batuko lituzke Udalak eta urte osoan, 867.354,24 euro. "Udalak Gertek Sociedad de Gestiones y Servicios SA enpresari esleitu zion zerbitzua, urtean 468.143,86 eurogatik. Hori kontuan hartuta, ez da, inondik ere, defizitarioa, Gobernuak kontrakoa dioen arren. Kalkulu sinple batzuk eginda ikusten da hori ez dela horrela", dio Abuinek.
