Lehenik, lurzorua berdinduko dute, eta ondoren egingo dute bi ate izango dituen estruktura. "40 metro kubiko konpost sartzea dago aurreikusia eta ortuetako erabiltzaileek, horrela, konposta urtean zehar eduki ahal dute erabilgarri eta beharrekoa dutenean erabili dezakete", azaldu dute Udal Gobernutik.
Helburua "herritarrak hondakinen kudeaketa jasangarriago batean inplikatzea" da, "ekonomia zirkularraren aldeko apustuarekin eta, materia organikoa herritar guztiek aprobetxa ditzaketen baliabide bihurtuz, jatorrian bereizketa sustatuko duena".
Protec enpresa datozen asteetan hasiko da konpost gunea egiten, 8.659,97 euroko inbertsioarekin.
84 ortu daude Garagartzan
Garagartzako ortuak 2009an ireki zituzten. Ortuen erabiltzaileen elkarte bat sortu zen eta elkarteak berak kudeatzen ditu, Garagartzako Baratze Ekologikoen Batzordeak, Udalaren eta Garargartzako baratzeen erabiltzaileen artean lankidetza hitzarmena sinatu ostean.
Egun, 84 baratze daude Garagartzan, 83 erabiltzaileentzako eta bat, Udalaren jardunerako. Aurten, esaterako, Ingurumen Eskola erabiltzen ari da bere jardueren barruan (Eskolako Agenda 21).
