32. Lilatoia lasterketa herrikoiaren filosofiarekin batu dira Sasoibideko lagunak asteburuan, emakumeek kalean kirola egitea sustatzen baitu ekimenak. 1990ean egiten hasi zirenetik COVID-19ak bakarrik oztopatu du ohiko Lilatoia, baina iaz proposatutako formatu bereziaren ostean indarberrituta itzuli da, aurten 5.000 lagunek parte hartu baitute guztira.
Guztira taldeko bederatzi emakumek burutu dituzte lasterketaren bost kilometroak. Adinez nagusienek 86 eta 81 urte dauzkatela eta, Sasoibidetik bi korrikalarien "meritu berezia eta kasta" nabarmendu dute: "Horrela bai, gainontzekoei jarraibidea ederto erakusten!".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak