Eduki hau partekatzeko esteka arbelera kopiatu da.
Lehiaketa publikora bost enpresa aurkeztu dira eta Arrasateko Udalak Altuna y Uria SAri esleitu berri dio obra, 2.214.602,74 eurotan (BEZ barne). Era berean, obra zuzendaritza 62.667,11 euroan (BEZ barne) esleitu zaio Asmatu S.L. ingeniaritzari. "Udalak 2022an egingo duen inbertsiorik garrantzitsuena da", azaldu dute Udal Gobernutik.
Auzoaren mugikortasun bertikaleko proiektuaren definizioa modu parte-hartzailean egin zuten bizilagunekin, iazko ekainean. "Aurkeztutako hiru aukeren artean, Elkano, Galizia eta Santa Teresa kaleetako hiru igogailu eta lau pasabide hartzen dituen proiektuaren alde egin zuten auzotarrek, eta hori da gauzatuko dena", dio Maria Ubarretxena alkateak (beheko irudian agertzen dena).
Hau izan da bizilagunek aukeratutako proposamena eta, beraz, gauzatuko dena.
Proiektuak igogailuen "irudi bateratua" proposatzen du, "hiri-mugarri horien artean harreman bisuala ezarri ahal izateko, oinezkoentzako ibilbideetan lortu nahi diren konexioak sorraraziz".
