1972an abiatutako "kalitatezko eta aukera anitzeko" eskaintza sendotzea dute helburu, musika hezkuntzan zein kultur ekintzetan egindako ibilbideari eutsiz eta erronka berriei helduz.
Kultura musikala
Talde lana, sentimenduak, adiskidetasuna, esfortzua, errespetua eta elkarlana dira, besteak beste, musikari lotzen zaizkion balioak. Oinarri horietatik abiatuta, Arrasate Musikalek herriko kultura musikalaren sustatzaile eta erreferente izan nahi du. Herriarengana heltzeko eta eragiten jarraitzeko batu da, beraz, Goienakideen komunitatera.
