Leheneste Taldean parte hartuko duten pertsonen hautaketa hiru irizpideren arabera egin dute: adina, generoa eta bizilekua. Bi bilera egingo dituzte, urtarrilaren 25ean eta otsailaren 2an.
Otsailean, taldeak lehenetsitako proposamenen azterketa teknikoa egingo dute udal teknikariek eta proiektu-izaera emango diete, bideragarritasun teknikoa, legala eta azpiegiturazkoa aztertu ondoren.
Esan moduan, hogei proposamen pasako dira martxoan eta apirilean garatuko den bozketa fasera. Fase horretan, herritarrek online eta modu presentzialean eman ahal izango dute botoa. Bozketaren data zehatzak eta prozedura martxoaren hasieran jakinaraziko dituzte.
