Joan den zapatuan hil zen Danel Goikolea arrasatearra omentzeko jende asko batu da gaur Aldai parkean egin duten hileta zibilean. Anaiak, Jon Goikoleak hartu du ekitaldia zuzentzeko ardura, eta txalapartariekin eta aurreskua dantzatuaz hasi dute ekitaldia.
Jonek berak aitortu du familiarendako kolpe gogorra izan dela Danelen heriotza, baina anaiaren bizitzaren errepasoa gehiago egin du umoretik tristuratik baino.
Danelek berak etxekoei abestutako bertso baten audioarekin hunkitu da jendea, eta hainbat lagunek hitza hartu eta gero, Goikolearen Almeneko bertso eskolako lagunak igo dira taula gainera; denek elkarrekin kantatutako bertsoekin amaitu da ekitaldia.
