Harreman GKEk adierazi bezala, kontzertu solidarioak izango dira, "era guztietako ezbeharrak pairatzen dituzten eta premia larriko egoerak bizi dituzten herrialdeetako pertsonen egoera ezagutarazi eta haiei laguntzeko". Izan ere, ANKUR-India eta MOZANBIKE proiektuetara hurbiltzeko kanpaina berria abiatu du Harremanek, eta horren nondik norakoak azalduko dizkiete bi kontzertuetan herritar, elkarte eta erakundeei, proiektu horietan bazkide edo laguntzaile gisa parte har dezaten.
Goikobalu eta Txorbela abestaldeen prestutasunari balioa eman nahi izan diote Harremaneko kideek, "kontzertu solidarioei balio erantsia emateko asmoz, arreta handiz prestatu dituztelako euren errepertorio onenak".
Bidezko merkataritza sustatzen duen bailarako elkarteak Arrasateko eta inguruko herritar orori gonbidapena luzatu dio bi ekitaldietara gertura daitezen.
